الدافع ورا مقالتنا المتتالية دي كلها هيكون اننا نقدر نبني Feature بشكل صحيح و بجودة code عالية.
خلال رحلتنا هنبني Check list يعني بعض الخطوات الي هنتاكد اننا بنعملها في كل مرة بنشتغل فيها علي Feature عشان نضمن ان جودة الشغل تكون دايما اعلي ما يكون .
الخطوة الاولي
ماذا لو كانت الخطوة الاولي كتابة Code عشان نلحق نسلم في Deadline ، الحقيقة انك مستحيل تقدر تسلم في Deadline او حتي بعده بايام .
الخطوة الاولي بتبدا باننا نفهم احنا هنبني ايه ؟ مش دايما المطلوب بيكون بسيط و مش دايما بيكون واضح بكل التفاصيل فهتكون الخطوة الاولي اننا منفكرش في Code او اي تحديات هتقابلنا ك Developer . كل ما هتكون التفاصيل اقل في الاول هيساعدنا نفهم بشكل افضل و اسرع عشان كده هلعب معاكم نفس الدور دلوقتي و مش هفكر في Code هنكتبه ازاي او اي تحدي ممكن يقابلنا فيه .
العميل محتاج يبني خدمة تأجير للعربيات .
هفترض ان Product Team جمع كل Requirements من العميل.
G.Ride : https://www.figma.com/design/zngfgELttgJPVr950GXYeu/Gride?node-id=0-1
هبدا باني ابص علي ال Screens و اكيد في الحالة العادية هيكون في User stories بتوضح التفاصيل المطلوبة بشكل اوضح .
انا كنت حابب اسجل الخطوة دي من غير ما ابص علي File و نشوف سوا ازاي ممكن تفهم Requirements و ازاي ممكن يكون عندك تساؤلات .
دلوقتي هبدا اكتب الاسئلة الي قابلتني .
1 – ليه Extend Request حالته بتكون Accepted قبل تآكيد ال Payments ؟
2 – هحسب السعر ازاي ؟
3 – ايه الحالات الي هيعدي بيها Renting Request ؟
4 – هل بيجي اشعار مع كل تغير للحالة في Renting Requests ؟
5 – سعر التوصيل هحدده ازاي ؟
6 – هي Contact info ممكن اعدل فيها الاسم و رقم التليفون ؟
حاليا دي كل الاسئلة الي خطرت في بالي و هسال عليها Product owner .
اجاباته كانت التالي :
1 – ليه Extend Request حالته بتكون Accepted قبل تآكيد ال Payments ؟
المفروض هيكون في حالة Waiting for Payment و بعد الدفع هتبقي Confirming Payment و بعد التاكيد من Admin panel هتتحول ل Accepted .
2 – هحسب السعر ازاي ؟
كل Geo-fence هيكون ليه عربيات محددة و كل عربية ممكن يكون ليها تسعير مختلفة عن التانية حتي لو في نفس Geo-fence ، هيكون لكل عربية قايمة السعر من ٧ ايام ايجار ل ٩٠ يوم ايجار و من خلالها تقدر تحسب Extend كمان سعره .
3 – ايه الحالات الي هيعدي بيها Renting Request ؟
ال Request هيبدا ب Customer filling the data و بعدين اول ما يرفع كل الملفات هيبقي Pending و يقدر من Control panel يغير الحالة ل مرفوضة ( Canceled ) او ينقلها للدفع ( Waiting for Payment ) بعد ما العميل بيرفع ايصال الدفع بتتحول ل ( Confirming Payment )
و بعد كده ممكن يكون Confirmed و في حالة التآكيد بمجرد ما بيوصل لوقت Request يتحول تلقائي ل Vehicle Delivered to customer و بعد ما ينتهي ال Request هيبقي Finished .
4 – هل بيجي اشعار مع كل تغير للحالة في Renting Requests ؟
مع كل تغير لحالة Request من Admin panel هيوصل للعميل اشعار عن طريق الابلكييشن.
5 – سعر التوصيل هحدده ازاي ؟
كل Geo-fence هيكون ليه تعريفة توصيل محددة .
6 – هي Contact info ممكن اعدل فيها الاسم و رقم التليفون ؟
اه ممكن تعدل الاسم و الرقم التليفون و By default هيجيب رقم تليفون العميل و اسمه.
و قال ايضا : خلي بالك ال Renting request بيتحجز يوم قبله و يوم بعده و كمان مقدرش احجز اقل من ٧ ايام .
بعد ما فهمنا ال Requirements المطلوبة مننا هنبدا نكتب Code يلا ، لا مش صح بالطريقة دي هتتعطل كثير جدا و انت بتكتب ال Code او انت بتسلم Feature لل Product Owner بسبب ال Bugs الي ممكن تضرب او الحاجات الي متخيلين اننا فاهمينها كويس و عاملينها حسابها بس الحقيقة انه مش واضحة ، هنا هيجي اهمية الخطوة التانية و هي Design .
اترك تعليقاً