في الخطوة الاولي كان المطلوب اننا نركز علي فهم المطلوب و استيعابه بشكل كافي للمرحلة الثانية و هي اننا نصمم ال Feature الي هنشتغل عليها و هنا بتكون مرحلة اشبه بانك ب Develop المطلوب بس من غير ما تبدا تكتب Code و هيبان ليه الخطوة دي مهمة .
الخطوة الثانية
مرحلة التصميم ( Design phase ) مهمة في انشاء اي منتج في الدنيا ، خلينا نطلع برا السياق شوية ، تخيل انك بتبني البيت الي هتعيش فيه لفترة مش قصيرة من العمر ، فقمت رايح جايب شوية عمال حطوا الاساسات و صبينا السقف و طلع بالدور الاول في الثاني في الثالث في الرابع في الخامس ، البيت اتبني فعلا بس هل قدر يحقق المنفعة المطلوبة منه ؟ ، هل البيت في الشتاء هيكون دافي علي الاسرة الي بتعيش فيه ، هل البيت في الصيف هيقدر يحمي الاسرة الي بتعيش فيها من حرارة الشمس و لا هنعيش علي التكيفات بس ، هل البيت حافظ علي الخصوصية ؟
هل البيت قدر يحقق كل الوظائف المطلوبة منه .
ممكن المهندس مع العمال قدروا يبنوا البيت بس ده اهدر فرص كثير علي سكانه بسبب ان تصميم البيت مخدتش الاهمية و الوقت الكفاية ، و اسئلة كثيرة من الي قلناها فوق لو اتسالت بعد انتهاء المبني بيكون ملهاش معني و اسالة كثيرة قادرة توفر علينا وقت و مجهود كبير في وقت التنفيذ و الاستفادة من البيت بعدين .
هكذا هو الحال في حالتنا ، لو بدات بكتابة Code فتآكد ان كثير جدا من Cases هتتفاجئ بيها و انت بتكتب Code او مع Tester و هو بيتاكد من جودة الشغل .
خلينا نبدا نطبق ده علي Feature الي محتاجين نبنيها بطريقة التفكير دي .
مسموح ليك تبدا باي جزء تحس انه مريح ليك انك تبدا في تصميمه سواء كانت اكثر جزء هيكون فيه تحدي او الجزء الاسهل بالنسبة ليك .
انا هنا حابب ابدء بالجزء الخاص بالتسعير و زي ما فهمنا من شوية السعر هيكون معتمد علي Location الخاص بكل عميل و ده معناه اننا هنحتاج يكون عندنا Geo-fences مختلفة و العميل يقدر يطلب ما بين ٧ ايام ل ٩٠ يوم و الي هيوفر قايمة الاسعار هو Operation team .
اول خطوة هتكون باني اصمم الجزء الخاص بتعريف Geo-fences عشان يقدر ال Admin في اي وقت يضيف منطقة جديدة او يتحكم فيها .
بعد القليل من التفكير كان ده توقعي لل Flow الي هيقدر من خلاله ال Admin انه يعرف اي Geo-fence جديد
الحقيقة بعد ما انتهيت من Flow chart و بصيت عليه بصة ثاني لقيت ان في بعض النقط الي ممكن تكون اخطاء في التصميم بتاعي غلط زي اني افترضت ان Geo-fence متاح فيه كل Services ، و ده غلط مش معني ان المنطقة فيها خدمة تاجير سيارات هيكون فيها كل الخدمات التانية زي Paid Ride او غيرها و كمان ماذا لو حبيت هيكون اوقف منطقة معينة لفترة ما ؟
تحسينات قد تبدو بسيطة حاليا بس اهميتها كبيرة ، يمكن من غير ما ندخل في مرحلة التصميم مكنش هنقدر نسال الاسئلة الي فوق دي و نفكر في اجابتها ليها ، هتوفر علينا و علي فريق التشغيل مشاكل كثير في المستقبل
بعد ما تخيلت Flow هبدا ارسم Wireframes للشكل Screen الي بفكر ابنيها
هنا بيكون وقت مناسب انك Share ال Wireframes و Flow chart مع شخص اكثر خبرة او فرد تاني من التيم قد يكون في نقطة منسية او جزء يحتاج للتصميم او اسئلة جديدة ممكن يطرحها شخص ما تساعدنا في اننا نبني Feature بشكل افضل .
هل كده انتهت مرحلة التصميم و جاهزين نبدا في Coding ؟ لا لسه قدامنا شوية .
اترك تعليقاً