قبل ما نبدا نكتب كود لازم ننتهي من مرحلة التصميم ، التعديل في مرحلة التصميم بيكون اسهل بكثير و مش هيكون تقيل علي قلبك بعكس ما تخلص implementation و تفاجئ ان Task الي اشتغلت عليها طلع فيها غلط هيخليك تعيد الشغل من جديد او مطلعش زي ما احنا متوقعين من ناحية Database structure ، و ده هيوصلنا ان Task متتسلمش في Deadline الي كنت متوقع انك تسلمه فيه .
هبدا ب ERD و مش لازم تكون امهر واحد بيعمل ERD هي خبرة بتكسبها مع الوقت و انك تتعلم اكثر دايما
دايما الافكار لما بتبدا تخرج من دماغك للورق بيبقي عندك تحدي و حاجات مكنتش واضحة و بتبدا توضح اكثر ، المميز في الي احنا بنعمله دلوقتي اننا بيكون عندنا حرية طرح اي سؤال و حرية التغير بسهولة عشان لسه مبداناش في implementation و فرصة انك تعرض الي خلصته علي Team leader او شخص معاك في التيم بسهولة و تاخد رايه عشان تتعلم و تحسن في Design الي وصلت ليه . انت متخيل كمية الخطوات و الاسئلة الي بدات تجاوب عليها في مرحلة التصميم .
خلينا نفرض اننا معدناش بالمرحلة دي و بدانا في كتابة Code علطول . هدفك في اللحظة دي انك تخلص Task المطلوبة منك و تكتب Code بتاعها في اسرع وقت ، هتبدا تكتب migrations من غير ما تفكر في اذا كانت احسن من مرحلة التصميم او لا المهم انها تنقلك للخطوة الي بعدها و تبدا تكتب تنفذ Task ممكن بسهولة تترفض من Team leader او Product owner عشان مبتححقش المطلوب او بتحققه بس مش باحسن طريقة .
و خلينا نتفرض انها اتسملت , تآكد انك هيكون صعب تتطور و تحسن في Code بتاعك لانك مخدتش وقت كفاية في Design .
اترك تعليقاً